Bókasafn Múlaþings, Egilsstaðir
Bókasafn Múlaþings er staðsett á þremur stöðum í sveitarfélaginu; á Egilsstöðum, Djúpavogi og Seyðisfirði.
Bókasafn Múlaþings er í samstarfi við leik- og grunnskóla sveitarfélagsins, önnur söfn, félagasamtök og aðra sem óska þess að nýta aðstöðuna.
Bókasafn Múlaþings er menningar-, upplýsinga- og menntastofnun, rekið af sveitarfélaginu og skulu allir íbúar eiga kost á að njóta þjónustu þess.
Nútímabókasöfn eru samfélagsmiðjur og svokallað þriðja rými íbúa, það er hlutlaus staður sem hvorki er heimili, vinna né skóli. Þau eru athvarf fyrir notendur og eru einn af fáum stöðum þar sem fólk getur verið innandyra endurgjaldslaust.
Á vef Múlaþings má finna upplýsingar um opnunartíma.
Bókasafnið er á efstu hæð í Safnahúsinu, Laufskógum1, og þar er internetaðgangur og gestatölva.